ಕರ್ನಾಟಕದ ಜನತೆ ಉರಿ ಬಿಸಿಲನ್ನಾದರೂ ಸಹಿಸಿಕೊಳ್ಳುತ್ತಾರೆ ಆದರೆ ಕಾಂಗ್ರೆಸ್ ನ್ನು ಸಹಿಸುವುದಿಲ್ಲ: ಮೋದಿ

"ಕಲ್ಬುರ್ಗಿಯೊಂದಿಗೆ ದೇಶದ ಉಕ್ಕಿನ ಮನುಷ್ಯ ಸರ್ದಾರ್ ಪಟೇಲ್ ಅವರಿಗೆ ವಿಶೇಷವಾದ ನಂಟಿದೆ. ಸ್ವಾತಂತ್ರ್ಯ ನಂತರ ಹೈದರಾಬಾದ್ ನಿಜಾಮರು ಭಾರತದೊಂದಿಗೆ ವಿಲೀನಗೊಳ್ಳಲು ನಿರಾಜರಿಸಿದ್ದರು. ಪಟೇಲರು  ನಿಜಾಮರನ್ನು ಮಣಿಸಿ ಕಲ್ಬುರ್ಗಿಯನ್ನು ಭಾರತದೊಳಗೆ ವಿಲೀನಗೊಳಿಸಿದರು, ಸ್ವಾತಂತ್ರ್ಯ ನಂತರ ನಿಜಾಮರು ಜಲಿಯನ್ ವಾಲಾಬಾಗ್ ಮಾದರಿಯ ಹಿಂಸಾಚಾರ ನಡೆಸಿದ್ದರು. ಕಲ್ಬುರ್ಗಿ ಭಾರತದಲ್ಲಿ ವಿಲೀನಗೊಳ್ಳುವುದಕ್ಕೆ ಹಲವಾರು ಯೋಧರು ಬಲಿದಾನ ಮಾಡಿದ್ದಾರೆ.  ಬಲಿದಾನ ಮಾಡಿದ ಯೋಧರಿಗಾಗಿ ಸ್ಮಾರಕ ನಿರ್ಮಿಸುವ ಅವಕಾಶ ಕಾಂಗ್ರೆಸ್ ಗೆ ಇತ್ತು.  ಆದರೆ ಮಾಡಲಿಲ್ಲ. ಆ ಕೆಲಸವನ್ನು ಬಿಜೆಪಿ ಯುವ ಮೋರ್ಚಾ ಮಾಡಿದೆ.  ಕಾಂಗ್ರೆಸ್ ನ ಒಂದು ಪರಿವಾರಕ್ಕೆ ಪಟೇಲ್ ಅವರ ಹೆಸರು ಹೇಳಿದರೆ ನಿದ್ದೆ ಬರುವುದಿಲ್ಲ. ಕಾಂಗ್ರೆಸ್ ಗೆ ಕರ್ನಾಟಕದ ಶ್ರೇಷ್ಠ ಸೇನಾ ಅಧಿಕಾರಿಗಳಾದ ಜನರಲ್ ತಿಮ್ಮಯ್ಯ, ಫೀಲ್ಡ್ ಮಾರ್ಷಲ್ ಕಾರಿಯಪ್ಪ  ಅವರ  ಬಗ್ಗೆಯೂ ಗೌರವವಿಲ್ಲ. ಈಗಿರುವ ಸೇನಾ ಮುಖ್ಯಸ್ಥರನ್ನು ಕಾಂಗ್ರೆಸ್ ನಾಯಕರು ಗೂಂಡಾ ಎಂದು ಕರೆದಿದ್ದರು. ಅಷ್ಟೇ ಅಲ್ಲದೇ ಸೈನಿಕರು ನಡೆಸಿದ್ದ ಸರ್ಜಿಕಲ್ ಸ್ಟ್ರೈಕ್ ಗೆ ಸಾಕ್ಷ್ಯ ಕೇಳುತ್ತಾರೆ. ಯೋಧರು ದಾಳಿ ಮಾಡುವಾಗ ಕ್ಯಾಮರಾ ತೆಗೆದುಕೊಂಡು ಹೋಗಬೇಕೋ ಅಥವಾ ಗನ್ ತೆಗೆದುಕೊಂಡು ಹೋಗಬೇಕೋ"? ಎಂದು ಮೋದಿ ಪ್ರಶ್ನಿಸಿದ್ದಾರೆ. 

ದೇಶದ ಸೇನೆ, ಯೋಧರ ಬಗ್ಗೆ ಗೌರವ ಇಲ್ಲದ ಕಾಂಗ್ರೆಸ್ ನಿಂದ  ದೇಶಕ್ಕೆ ಗೌರವ ನೀಡುವುದನ್ನು ನಿರೀಕ್ಷಿಸಲು ಸಾಧ್ಯವಿಲ್ಲ ಎಂದು ಮೋದಿ ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.